政壇：政商定格：王英偉約太太倫敦拍拖
平日工作點忙人都要休息嘅，「公職王」王英偉就選擇工作旅行一take過。喺九月以藝術發展局主席身份，領本地年輕藝術家到利物浦參加雙年展，而太太就喺老公唔喺香港期間自己搵娛樂節目，約埋班中學同學遊東歐，兩夫婦仲相約最後一站喺倫敦，拍番個短拖先返港。
尋日王英偉同太太喺一個公開場合話，自己啱啱夠期卸任機場管理局同旅遊發展局成員，浸會大學校董會暨諮議會主席嘅任期亦將於年底屆滿，至於會否再選下屆人大，佢就話仲未知喎！佢笑謂，可能政府見佢「得閒咗啲」，轉個頭又委任佢做公務員薪俸及服務條件常務委員會主席，真係分身都唔掂。
老公咁忙，難得太太從來冇詐型，事關囝囝係歌手王梓軒，王太話淨係做囝囝嘅經理人已經夠晒忙。
王英偉（右）公職多，難得同太太及囝囝聚首。（資料圖片）