政壇：政商定格：名人各出奇謀捐助小母牛
小母牛提倡「送人牛奶，不如助人養牛」，身為籌委會主席嘅「快撈夾大王」杜振源好認同呢個概念，佢話最初做主席好唔習慣，因為要放下身段開口叫人捐錢唔係咁易，既想得到朋友支持，但又怕過火令人唔舒服，最怕對方有被「劏」嘅感覺，搞到佢有難以「落手」嘅感覺。但一次生兩次熟，上次佢哋搞慈善宴，結果一晚籌得六百萬元，令佢深明做善事係講感染力，先可以齊心事成。
另一籌委、IWC中國及香港代理陳正欣亦好認同，佢嘅業務分布內地多個省份，每年員工都會組團落嚟香港參加小母牛嘅競步善行比賽。
上年杜生喺中環一間拉麵店包場請員工食拉麵做善事捐款畀小母牛，今年再接再厲，喺尖沙咀分店舉行，短短五小時就為小母牛帶來三十五萬元善款。
杜振源（右）出錢，鄧慶治（左）父子出麵，共襄善舉。
石禮謙（右）已經喺立法會選舉自動當選，尋日同女友Lisa一齊去食麵。