香港汽車會會長余錦基近日經常戴帽示人，連食嘢都帽不離身，佢自爆早前發覺對眼唔多妥，急急腳去睇醫生，證實患上青光眼及白內障，好彩眼疾唔算嚴重，藥物控制下毋須做手術，只要避免雙眼與強光接觸就得。咁點解唔選擇戴太陽眼鏡呢？原來佢有老花，怕戴黑超影響視力喎。為咗襯衫，佢仲特登買多幾款靚帽配搭。
近月佢再度抱孫，加埋總共有三個男孫，屋企變得好熱鬧。佢一講孫仔即時甜到漏，大讚孫仔嗲功一流，氹得佢兩公婆成日笑唔停，但佢坦言未滿足，仲想有多個孫女添！
余錦基
