政壇：特首辦新貴迎小龍女
好多人都趕住生龍B，而特首辦同政府新聞處都唔例外。繼幾乎長駐特首辦嘅新聞處處長Michael黃偉綸年初同太太誕下麟兒後，啱啱履新幾日嘅特首辦助理新聞處長Nick歐陽力亦預計喺十一月榮升老竇，據聞喺個龍女嚟嘅。
阿Nick話雖然可享受公務員五天男士侍產假嘅新政策，但新任特首梁振英提出嘅雙非零配額措施，要等到明年先實行，令佢早喺太太懷孕七個禮拜時，已經要訂定私家醫院分娩床位，佢最近連工人都搵定添！
Michael嘅囝囝已半歲大，佢不時會將囝囝嘅趣致相放上網畀親友睇，而佢任職民民政事務總署嘅太太May陳穎韶，做咗立法會超級區議會議席選舉嘅選舉主任，臨近投票實忙到飛起。佢話點忙都會抽啲時間過吓二人世界，增進夫妻感情。
黃偉綸同阿May又要返工又要湊仔，但點忙都會抽啲時間過吓二人世界。