City Parade：慈善夢飛行
一班留學英國嘅香港富二代，心繫香港，早前以奧運做主題，喺灣仔君悅舉行慈善晚會，為保良局「夢飛行」青少年正向人生基金籌募善款，一晚輕易籌得四百萬港元。炎夏高溫籠罩，但米蘭嘅秋冬裝，已急不及待殺到香港。一個意國時裝品牌，早前喺將軍澳邵氏影城大搞多媒體時裝騷，城中名人霸定頭位睇騷，感受一次奢華美麗之旅。
多媒體時裝騷：少奶風姿
待嫁的「跳水公主」郭晶晶，愈來愈有豪門少奶風姿。
潮訂新裝
Zensation Beaute行政總裁何倍倩（右）與名媛陳君宜（左）都係城中潮人，不時上網訂購時尚新裝。
忙裏偷閒
李錦記新抱Mahnaz Lee偷閒睇騷輕鬆吓。
拍拖睇騷
觀瀾湖太子爺朱鼎耀夫婦都係愛美之人，拍拖睇時裝騷。
保良慈善夜：拍住搞Ball
總理陳正欣（右）與名媛林李婉冰千金林嘉寶（左）攜手搞Ball，前民政事務局常秘李麗娟都讚佢哋夠善心。
手足情深
保良局、東華三院情義深，前東華主席李三元（中）都買枱撐保良，與大公子李曠怡（右）及細仔李仲怡（左）齊到賀。
何家淑女
年紀輕輕的賭王千金何超欣（左）拍住家姐超盈（右）去Party好淡定，甚有何家淑女風範。
倫奧粉絲
保良局副主席陳細潔（左）同家姐劉陳小寶（右）都係奧運迷，晚晚斟定靚紅酒睇比賽。