SUN微博：Sun畸事：矯枉過正
近年常耳聞醫生牽涉風化案，為挽回公眾信心，香港醫務委員會要求港大及中大品評醫科生品格，無疑令準醫生要先拎「良民證」方可執業，眾港女得知消息，無不舉腳贊成……
下蕙姨︰嘩！呢個真係喜訊！我呢啲係花甲之年，周不時都要睇醫生，檢查嗰陣，啲男醫生見到我風韻猶存嗰樣，點會唔起痰？
o靚模賤娜︰我呢啲成日要整嚟整去嘅仲驚，搞掂咗之後成日同我講驚會塌，左摸右摸，都唔知想點！
周瘦娜︰吓，咁明目張膽，點解唔報警？
o靚模賤娜︰點講呀？唔通同差人講佢非禮我個鼻咩！
周瘦娜︰講起差人，不如都要佢哋拎良民證，成日都聽到男差人喺報案室非禮啲姊妹！
下蕙姨︰我諗律師、教師、會計師……都要引入呢種制度。
眾港女︰都好喎，唔爭在喺香港住嘅男人都要拎啦，以絕後患！
（花生友如有對號入座，請食自己）
