【本報訊】有義氣無兒子！一名單親父親，聲稱為帶錢返內地給朋友應急，今年六月七日將四歲大的兒子獨留在家中過夜，被鄰居揭發報警。該名「義氣爸爸」早前已承認一項虐兒罪，昨被觀塘法院判監七日，但緩刑兩年。裁判官訓斥三十一歲被告張子峯說：「你個仔已經無咗媽媽，淨係得你，你唔睇佢，佢會點吖？你咁有義氣幫朋友做咁多嘢，點解唔為個仔做好啲呀？」官又嘆謂：「法庭只有能力褫奪你嘅自由，但就沒能力帶一個負責任嘅爸爸返嚟。」勸被告長進一些。
案件編號：KTCC 3812/12