SUN微博：打橫嚟講：深宵書堂的文化品味

台灣誠品來港落戶，開設四萬多呎大書店，這肯定是香港文化圈的大喜訊，它不特只是來做買賣，而係帶動起此地閱讀風氣，甚至生活品味。

大家都知，在香港搞書店，是件自討沒趣的慘事，乾是靠賣書維生，於這個地產霸權橫行的時代，已是不可能的事實，所以，誠品講明，書本並非主打收入來源，其他周邊文化產品，才是搵食架生。

能夠成為台灣文化龍頭ICON，總有些把炮的，形象、管理和策略，是他們穩坐一哥地位的能量，睇番香港陀地大型書店集團，十幾年來，不思進取的hea住食老本，汗顏吧！

嗱！咪以為你台灣幫強勢壓境，有贏無輸呀！兩地文化差異之大，絕非你班文化商人所想像到的呀！硬搬台灣那套來港，走着瞧吧！

哼！誠品公布用一個月時間，試吓通宵營業，我倒好想剝花生睇吓佢哋點死！咁講，唔係話香港無書迷捧場，而是矗立銅鑼灣的大書店，吸引啲乜嘢質素嘅人嚟「過夜」呢？

銅鑼灣是強國人民愛流連的勝地，如果畀佢哋得悉，書店裏面冷氣足、地板滑，廁所大，肚餓時還可買杯咖啡送餅仔，佢哋就唔使逼去「老麥」瞓枱底了！有班「篋神」係唔租酒店賓館的，慳得就慳之餘，主要可以攞到香港人的着數嘛！好啦！到時，一大群強國師奶大叔，通地橫陳，流晒口水「啹啹聲」，問你品味何在？仲未計佢哋啲小魔童鍾愛隨地大解決呢！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：奧運靚仔靚女逐個數

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot