政壇：政商定格：手套大王姊妹花夜景盛宴
日前喺廣東道巧遇「香港手套大王」詹氏第二代Kelly詹嘉莉同大妹嘉儀、二妹嘉雯，原來佢哋同星級化妝師Rick Chin合作嘅全新美容中心啱啱喺海港城開幕。當日三姊妹忙足成日，特登約埋好友去北京道一號嘅Aqua餐廳輕鬆吓。
Aqua餐廳曾被評為全球七大最佳夜景餐廳之一，Kelly都被餐廳嘅靚絕景色迷倒，已幫襯咗好多年。除咗靚景之外，嗰度嘅意日風情美食亦係一流，當晚三姊妹叫咗鮮甜唔膩嘅龍蝦薄餅、擺設華麗豐盛嘅魚生拼盤，其中灑上金箔嘅「日本A5雪花和牛卷」食到眾人舔舔脷。
詹嘉莉（左）同老三嘉雯（中）、老二嘉儀（右）一齊食大餐。
令人垂涎欲滴嘅時令魚生拼盤。