SUN世代：全世界我也可以放棄…
「如果，全世界我也可以放棄，至少還有你，值得我去珍惜，而你在這裏，就是生命的奇迹。」一曲《至少還有你》，不但是Lincoln最愛，更是他與太太的定情歌，「追佢嗰陣，我就係向佢唱呢首歌，結果成功追到佢。」他在結婚前，更秘密練兵半年，學習以色士風吹奏此曲，希望於婚禮上給太太一個驚喜，卻蝦碌收場，「可能練得唔夠，吹到一半就吹唔到，不過太太都好開心。」
結婚數年，Lincoln與太太依然恩愛非常，更育有一名兩歲的兒子，閒時最愛享受天倫樂。問到可有想過將來子承父業，由兒子延續洋服生意？他即笑笑口道：「梗係有咁嘅諗法，生意由爸爸同大伯創立，之後交畀我同堂大哥管理，依家姨甥都返埋嚟幫手，傳到第三代！不過一切都係順其自然啦。」
Lincoln在自己婚禮上大吹色士風冧太太。
為求做出稱身的洋服，Lincoln由度身起每個步驟都一絲不苟。