阿保一族：心中有「素」

【記者陳名仲報道】「唔食肉你點高呀！」不少母親反對子女茹素怕會影響健康，土生土長港人程沛生（Joe）的母親亦不例外，但無阻Joe於青春期起轉為食素，更創立環保素食facebook群組推廣素食文化，面對身邊人及環境的阻力，他坦言：「喺香港堅持食素你估話咁易呀？」

自十四歲見到街市裏一幕幕「劏雞」血腥場面後，令Joe對肉食習慣重新思考和定位，更認為殺生食肉根本不是生理需要，只為滿足食欲。「諗通之後我開始食素，對食素嘅定義亦摸索咗好耐。」Joe說，當時不斷瀏覽素食網頁和論壇，發現茹素除可減少殺害動物，亦有助保護環境，「養一隻動物嚟食，要用多好多資源，排放好多碳！」

母怕唔長肉一度阻止

畜牧業佔全球溫室氣體總排放量百分之十八，而全球肉類需求數字卻不斷增加，Joe坦言，食素能有助減排，為環保出一分力，是他多年來堅持茹素的最大原因。

「開始嗰陣屋企都唔係太鍾意我食素，最緊要解釋清楚畀佢哋聽。」Joe憶述，當時母親的反對聲音最大，曾擔心茹素會影響他發育，甚至試過將細小的肉絲拌在飯菜中，「好彩我醒先發現到！後來佢見我同食肉嘅細佬一樣高，一樣咁大隻，慢慢都好支持我。」Joe表示，數年前曾到香港素食會，希望可以找同路人互相交流茹素心得和推廣環保的理念，豈料碰上不止一個年輕人，成為他之後在facebook創立「素食青年」群組的一大契機。

群組短時間內吸引很多人加入，經常四出搞活動，然而聚會令Joe深深體會到，要在香港以素食文化推廣環保，實在不是件易事。「有時啲餐廳明明有位，都會覺得要整成圍素食麻煩而唔做我哋生意。」Joe明白別人立場，亦表現包容，與素食者不為滿足自己的理念同出一轍，故之後他們改到收費比較昂貴的素食餐館聚會。

「希望多啲人食素，一齊加入環保！」現時，「素食青年」群組人數已突破三千大關，Joe寄望當茹素的人數愈來愈多，成為主流時，素食餐廳數目亦會多起來，屆時便完成其訂下推廣環保的目標了。