政壇：黃仰芳炮製潮食佐美酒
身兼潮州商會青委副主任嘅新鴻基尊尚投資管理高級董事Fonia黃仰芳，諗到好橋為顧客減壓，就係將公司打造成「家」嘅感覺。開試酒會之餘，佢仲搵埋煮得一手好菜嘅媽媽粉墨登場，炮製家鄉潮州美食佐酒，深受顧客歡迎。
諗到以住家潮州美食宴客，原來有段古。話說Fonia年前加入潮州商會，結識唔少鄉里，細談之下，發覺好多朋友嘅家人都唔識煮正宗潮州菜。自此佢經常趁媽媽下廚，攞多一份同老友分甘同味，而佢最愛食媽媽煮嘅豬腳凍同潮式春卷。
除咗食嘢，Fonia愛以球類運動減壓，單計六月份就打咗十八日羽毛球，未計網球同乒乓波。
黃仰芳（中）將潮州美食大力推介予顧客，獲父母（左及右）大力支持。