SUN微博：黐筋網相：插進女生又怎麼了
最近一張舊圖又再被網民回帶，話如果香港真係推行國民教育，我哋嘅下一代就會喺上堂嘅時候吸收呢啲知識。小編第一眼見到呢張相嘅時候，都忍唔住鬧咗一句：「搞ｘ錯！」但係諗深一層，呢個好似只係用語上嘅歧異，同國民教育好似無咩關係喎。打個比喻，泰文入面有唔少詞彙，用廣東話嘅發音去解讀，聽落都好似粗口，但你會唔會話人學泰文即係學講粗口先？
當然，你可以笑佢哋嘅中文拙劣，用字水準江河日下，但係如果無限上綱，郁啲都話洗腦赤化教育，咁豈不是又係另一種形式嘅一言堂？我哋想要嘅，究竟係培養下一代明辨是非獨立思考，定係叫佢哋逢中必反呢？
不要為了對抗妖魔而讓自己變成妖魔，那樣太傻Ｂ。
