政壇：政商定格：沈祖堯以失敗之道教女
中文大學校長沈祖堯做過沙士英雄、又被譽為最佳校長，尋日佢分享好爸爸之道時，又透露特別嘅育兒之道。佢話自己經常鼓勵女兒參加比賽，咁樣並唔係想佢哋攞獎，而係希望佢哋預早嘗到失敗嘅滋味，到大個時識得面對挫折。
沈校長嘅大女詠恩去年拔尖入讀中大醫科，佢話雖然囡囡讀得有啲辛苦，但成日都會問到「醫生爸爸」口啞啞，令佢覺得囡囡讀得相當投入。至於細女仲有兩年先考中學文憑試，佢認為每個小朋友都有讀書壓力，唔覺得自己個女讀得特別辛苦。佢平時會同兩個女喺facebook溝通，既能掌握兩個女一舉一動，連佢哋約朋友出街食飯都知，父女溝通咁密切，難怪佢咁開心喇！
沈祖堯（左三）希望培訓女兒有堅強心志，懂得從失敗中站起來。