SUN世代：每年要學一樣嘢

自○七年起，馬家強有一個小習慣：每年都去學一樣東西。「人生過得好快，去到六、七十歲嘅時候，望番轉頭，可能都唔知做過啲咩。每年搵一樣嘢去學，就會記得嗰年係點。」○○年，馬家強參加了毅行者，「我係全隊中體能最弱嗰個，試過中途行行吓嘔，但隊友都無埋怨過。」在隊友扶持下，最終完成一百公里路程，令他體會到團結的重要性。

50歲前行一次撒哈拉沙漠

○六年，他學「煮嘢食」，兩年後又報讀紅酒課程，「我份人好饞嘴，最鍾意飲飲食食。」問他今年會學甚麼？他笑言這兩年都是「爸爸年」。去年底剛榮升爸爸的他，臉上立即露出一副慈父表情，「個女出世之後，一路學緊點樣同佢溝通，就算幾忙都會花時間陪佢，唔想錯過佢每一個成長階段。」而他還有一樣東西是非做不可，「希望喺五十歲前，可以行一次撒哈拉沙漠，咁人生就無憾﹗」