SUN世代：有新概念 創業至掂

○三年，沙士疫症令港人印象難忘，馬家強也不例外。當年四月一日，政府發出四十年來首個「隔離令」，宣布隔離牛頭角淘大花園十日。前一天，馬家強剛簽下合約，打算擴充業務，但疫症幾乎令他要由頭來過，半年裏白交十多萬租金。幸好，他堅毅過人，從噩夢中醒覺，加倍努力，將生意重納正軌。他說，經歷挫折，人才會走得更高、更遠。

「其實我唔係教育界！」馬家強二十多歲創業，開設教育課程外判公司，專門為全港學校、社福機構及會所開辦課程、興趣班及講座。但原來他讀電子工程出身，畢業後做應用工程師，只因年少氣盛，不甘於安逸，一心想創業，於是因緣際會「半隻腳」踏進教育界。

「畢業後第一份工幾好，不過成日要周圍飛，一年有七成時間唔喺香港，所以決定留番喺香港發展。」這份高薪厚職只把他留住兩年，之後他繼續做打工仔，在一間科技公司工作，但「創業心」早蠢蠢欲動，「做老闆自由度高啲，但最重要係我想建立屬於自己嘅嘢。」

九九年，馬家強決定以兼職形式試業。「嗰時見身邊好多同事都話要幫仔女報興趣班、語文班，但學校本身邊有咁多資源同人手搞咁多嘢呢？」靈機一觸下，馬家強想到不如為學校提供「一條龍」服務。初嘗創業，馬家強形容最初是一個痛苦經歷，「頭兩個月寄咗幾百封信畀學校，一間都無回覆，最慘係連開始做嘅機會都無。」

引入冷門課程殺出血路

不過，天生樂觀的他，並未輕言放棄，每天收工後，到不同機構親自拍門，並由老本行的電腦課程興趣班着手，最終成功跟一間青年中心簽下第一張單。萬事起頭難，這張單令他成功將服務推銷到更多學校和機構，生意愈做愈大，更賺下人生第一桶金。○一年，科網股爆破，馬家強深感科技界前景一般，決定辭去正職，全職創業。

豈料，○三年一場沙士，馬家強被殺個措手不及。「嗰陣見潮流興，諗住開間playgroup，仲記得喺三月三十一號同業主簽約，點知第二日就宣布淘大花園要隔離，個個都唔敢出街，父母更加唔會帶小朋友去學嘢，嗰半年可以話係完全無生意，個個月白交租。」

經此一役，馬家強痛定思痛，銳意改變生意方向，配合市場需要，創造更新穎的課程。「好多家長都鍾意有證書嘅課程，好似『數獨』課程。之前韓風大行其道，韓文班亦大受歡迎。」另外，他又積極引入一些冷門課程，例如印度珠心算，「最緊要係時刻保持新概念，先至可以成功推銷畀學校、機構，殺出一條血路。」

絕境逢生，馬家強認為只要堅持，難關總會闖過，「幾差嘅情況都會有完結一天，就算幾辛苦都好，最緊要唔好放棄，一定會克服得到。好似沙士咁，我哋最終都捱過咗。」沙士一役，令香港人變得更團結，亦令馬家強的事業變得更成功。

馬家強小檔案

現職：Futurelink Ltd.董事

學歷：香港科技大學電子工程系學士

公職：香港菁英會會員、河南省青聯港區委員、桂港青年交流促進會常務會董、民政事務總局公共事務論壇成員