政壇：政商定格：孫宏斌煙酒不沾愛石榴
唔少內地老闆無論喺開會或食飯時都有煲吓煙、飲吓酒嘅習慣，尤其係搞地產嘅，更加成日要應酬。不過有老友同記者講，話融創老闆孫宏斌雖然人稱「地產狂人」，原來佢個人係好健康，仲好注重公司整體感覺同形象添！
聽老友講，雖然平日孫總好隨和，但會影響到公司形象嘅嘢都睇得好緊，喺平日開會前都會整理好儀容同衣着。亦因孫總唔食煙，佢嘅下屬都唔會喺佢面前食煙，所以喺做嘢期間因為要去「充電」，而突然唔見咗人呢啲現象，都好少喺融創發生。
其實，之前去佢哋公司參觀時，已發現孫總食嘢都幾健康，仲成日食蔬菜，佢仲推介大家飲石榴汁添！所以話，佢真係一個生活好健康嘅老總。
孫總食嘢好健康，成日推介人飲石榴汁。（資料圖片）