政壇：搞搞政：公文袋為白鴿飛起司馬文

盛傳公文袋同白鴿黨就立法會選舉有秘密協議，公文袋退出超級區議會議席選舉，讓路畀白鴿黨派兩人出選，而自己就派人空降新界西，期望唔覺意博到個議席，但兩黨一直唔認搞「地下情」，直到尋日公文袋好決絕話唔支持放棄荷蘭國籍嘅南區區議員司馬文參選超級議席，搞到佢憤而退黨參選打對台，一切真相大白。

公文袋本身放棄選超級議席，但尋日又宣布唔會支持司馬文選超級議席，對於佢有可能退黨參加港島區直選，話表示遺憾，擔心影響該黨港島嘅選情，話該黨同白鴿黨冇協議真係搵鬼信。

司馬文尋日發表聲明，話「我見到機遇，但黨見到障礙」，下周一就會公布去向。佢回覆話依家只得五個提名，仲欠十個先參加到超級議席，反而港島區直選嘅一百個市民提名已到手，仲講明會退黨參選添。對於公文袋話太急、太遲，唔夠時間準備選舉，佢就直斥一切都係廢話。