政壇：馬國海龜群迷倒楊哲寧
立法會前議員楊孝華大仔Jonathan楊哲寧十幾歲已迷上潛水，同細佬楊哲安齊齊考取潛水牌，經常潛入海底窺探海洋萬千生態。Jonathan話曾經喺馬來西亞詩巴單（Sipadan）見過身長兩米嘅魔鬼魚，又遇見海龜群同鯊魚，嚟緊九月仲想去印尼峇里島，睇吓有冇緣見到罕見嘅太陽魚（Mola Mola）。
閱魚無數嘅佢話，初初見到一隻海龜已經驚為天人，但潛水愈多，就愈難滿足到佢，依家潛落三十幾米，睇住二百幾條巨型魚群喺身邊擦過，感覺奇妙。咁怕唔怕遇到鯊魚？佢話冇有怕，皆因鯊魚仲驚人類。佢認為潛水唔難學，最緊要淡定。佢對潛水嘅熱誠，大到連拍拖三年多嘅女友都受佢感染，加入潛水大軍。
楊哲寧