政壇：白姐姐兩招陶君行敗走

社民連陶君行參選立法會九龍東直選，尋日佢帶埋黨友踩上阿Paul謝偉俊嘅律師樓，勢估唔到出嚟擋駕嘅竟然係白韻琹。

阿陶先發炮質疑阿Paul嘅獨立性，話阿Paul每件事都係受到西環指示，白姐姐即刻還擊，話阿Paul律師樓有兩位職員係社民連成員，唔通又係西環指示？跟住阿陶話白姐姐都係西環嘅人，如果唔係點會贏到區議會，仲參選埋超級區議會議席？白姐姐話自己喺社民連會慶時捐咗七千蚊，唔通西環中人支持社民連？

白姐姐只係用咗兩招，阿陶即時被擊退。其他參選名單有胡志偉、黃國健、陳鑑林、許錦成、梁家傑同譚香文。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

白韻琹（右）兩吓就幫謝偉俊擊退咗陶君行（左）。