SUN微博：打橫嚟講：難得一次的十號風波

唉！香港真係死得矣！一個十號風球，將香港人才凋零的真面目，由枱底一下子吹起，翻上枱面，敗露人前。

港鐵、東鐵、西鐵和輕鐵因各有不同意外而出現「人為事故」。東鐵「大細超」，沙田站的滯留乘客每人有兩舊水「遣散費」，但大圍站的卻要留宿車廂內，同一機構，卻有兩個制度，真顯現「一個兩制」的精神。

港鐵亦好笑吖！一個Call差人上停航的壞車廂內「驅趕」留守車內休息的滯留人士；另一站的低級職員「疏導」乘客到出閘機前，好大方咁話：「呢程唔收你哋嘅車資，請盡快離開！」講緊時，外邊係夜深十號風波，的士嘅車轆影都見唔到個呀！大佬！

電視畫面轉播乜鐵物鐵的大堂、電梯邊全部瞓滿落難的苦主，唔知，仲以為香港有逃亡潮，或美國小丑槍手嚟咗大顯身手添噃！

乜鐵物鐵的管理失誤，全推落去「天氣差」之故，同不負責任的貿發局一樣，關人隱事！

那個運輸及房屋局局長張炳良大官，當晚一定喺那層僭建嘅新屋裏，攬實老婆大覺瞓，sweet非常啦！否則，怎不拿拿臨撲去出事地點，學足林鄭咁「指揮救災」，就算開唔郁架列車，都令人感覺你肯同大家共度時艱吖！即使係造假的一場戲，也會為低民望的自己和政府收復少少人心吖！呢啲就係政治囉！懵炳！唉！又犧牲了一次，十號風球帶來的機遇！真廢柴！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

就係敢爆：是誰染紅自由花？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot