SUN微博：Sun畸事：天災非人禍

十三年難得一遇的颶風韋森特吹襲香港，大批歸家心切的市民慘被「禁錮」在車廂之內，度過難民式的一夜。香港市民怒髮衝冠，某公司高層惟有召開記者會就事件解畫。

公司高層︰呢件事係天災，絕對唔係人禍，我哋嘅職員已經盡咗力幫大家。呢件事又體驗到香港人團結一致的精神，真係「多難興港」！

記者東︰但係有職員熄冷氣兼報警，究竟係咩原因？

公司高層︰係咁啱有故障要維修；報警係希望做吓調解，絕對無逼人落車。

記者偉︰但係有人有錢派做補償，有人有的士載返屋企，但有人就咩都冇，仲唔係「大細超」？

公司高層︰呢啲係個別事件，我就唔評論。

記者明︰明知打颶風，點解唔做定兩手準備，制訂應變措施呢？

公司高層︰呢啲係假設問題，我就唔回答。

記者駿︰題外話，政府當日有冇聯絡過貴公司？

公司高層︰我諗打十號風球，咩都唔會蒲頭，更何況政府官員係人，一早返咗屋企避風啦！

（花生友如有對號入座，請食自己）