貨車車輪空轉溜後 東邊街大車禍險重演

【本報訊】西營盤東邊街昨險再發生貨車溜後大車禍。昨午十二時許，姓王司機（四十餘歲）駕駛運凍肉密斗貨車，在大雨下沿德輔道西左轉東邊街上斜，駛抵第二街擬左轉，因前面有車，王於是停車，但當再踩油開行時，發覺輪胎空轉，貨車不能開行，並向後滑溜，王大驚踩腳掣煞車，並拉緊手掣，幸貨車只溜後少許，王不敢再開車，報警求助。

警員到場封閉由皇后大道西至第二街一段東邊街斜路，同時用沙包及磚楔着貨車後胎，以防溜後，並召拖車將貨車拖往第二街，當司機卸下凍肉後，再將貨車拖走檢驗。鑑於現場曾發生多宗溜後嚴重車禍，街坊目擊險象均抹一額汗。一名姓黃食肆女店員表示，「好擔心再發生大車禍，政府一啲改善措施都冇！」東邊街一間餅店姓劉負責人稱：「之前政府部門啲人嚟睇過，之後就影都唔見，唔見有改善。」在皇后大道西與東邊街交界經營雜貨店，在其中一次車禍中逃過大難的譚伯表示，「咁多年都係咁，都唔驚得咁多！」