好爸再求心續命 想睇七歲仔長大

【記者戴碧怡】好爸爸能否獲第二次重生機會？四十八歲的馮國泰被心衰竭苦纏十二年，一○年病情惡化瀕生死邊緣，幸獲善心人死後捐出心臟而重生。豈料上天再考驗他，今年初心臟出現排斥，目前依靠外置人工心臟延命。他寄望第二個「有心人」出現，讓他再獲心臟移植延續生命：「六合彩好難中兩次，但我有信心！我仲要睇住個仔大！」

馮國泰原為室內設計師，○○年時確診患心衰竭後辭工養病。待○五年病情較穩定時，與妻子誕下愛兒，一家三口雖非富貴人家，卻樂也融融。豈料他的病情於一○年轉差，曾兩次通波仔，冠狀動脈仍嚴重阻塞，需輪候換心。馮昨憶述：「當時以為就快離開個仔，好唔捨得。」危在旦夕之際，幸獲善心人死後捐出心臟，得以換心重生。

康復過程漫長，馮家靠積蓄及醫療保險賠償過活。今年初，馮見身體狀況趨穩定，兼職室內設計，每月賺數千元養家，並為兒子報讀課外活動班：「私人班就畀唔起，但康文署平平哋都仲得。」他說，每天能睜開眼望到兒子健康成長便心滿意足。

但今年復活節馮國泰因氣促入院，檢查後證實心臟第二期嚴重排斥，調校抗排斥藥物後僅能改善左心室功能，右心室情況沒大改善，要入院外置右心室人工心：「個仔問我幾時出院，我同佢講，爸爸一定冇事！」馮已留院逾兩月。

馮太現時獨力照顧家庭，接送兒子上暑期班，隔天長途跋涉從深水埗往瑪麗醫院探丈夫，臉容憔悴疲倦，仍幫丈夫抹身、餵食及按摩，為丈夫打氣：「佢好錫我同個仔，我可以幫到幾多就幾多，要喺佢身邊支持佢！」馮國泰等候O型或A型血的合適心臟出現：「家人係我嘅動力，仲要睇住個仔大，唔可以賴低老婆咁自私！」

盼市民支持死後捐器官

瑪麗醫院心胸外科部主管區永谷指出，馮國泰的病情罕見，大部分心衰竭是左心室衰竭，右心室衰竭病因多數不明，目前僅能安裝外置式的人工心穩定右心室功能，但病人要冒細菌經喉管入侵，併發肺炎或導致其他器官衰竭的風險。區永谷指合適心臟難求，本年全港僅進行九宗換心手術，現有二十四人輪候換心，期望市民支持死後捐贈器官。