政壇：政商定格：馬仕達黃淑芳拍過咖啡廣告
上禮拜馬仕達國際嘅上市儀式上，喺班管理層中見到身材高挑嘅靚女Linda黃淑芳，令人眼前一亮，佢未夠三十歲，就已擔起公司財務總監兼秘書重責！以往財金圈雖有唔少年輕靚女，但以銷售產品居多，行政管理職業女性好少咁後生，Linda算係少數。
識得欣賞Linda嘅仲有好多人，早幾年佢曾經受到廣告商青睞，做過兼職模特兒，幫某大品牌嘅瘦身咖啡拍過一輯平面廣告，喺各大地鐵站內展出，唔怪得第一眼就覺得Linda有啲熟口熟面啦！
Linda原來曾喺某大會計師行任職過幾年，處理唔少公司上市case，所以話成功背後付出嘅努力同汗水真係唔少得。
黃淑芳（右一）未夠三十歲，已經係馬仕達國際嘅財務總監兼秘書。