政壇：搞搞政：掟飯男爆肺棄選梁美芬避狙擊
曾向貪曾掟粟米斑塊飯嘅社民連「掟飯男」黃浩銘一掟成名，原本諗住再下一城參加立法會選舉，狙擊已報名參選九龍西嘅專業會議梁美芬，點知十幾日前突然覺得胸口痛，之後睇醫生至知原來自己「爆肺」，即胸膜穿咗令胸膜積聚空氣，為免選舉期間太過勞累，掟飯男惟有無奈放棄參選。
事實上，掟飯男棄選對社民連有一定影響，因為原先社民連打算五區都派人參選，但依家就變咗「五缺一」陣式，雖然如此，佢哋喺議會內外抗爭嘅路線始終如一。「長毛」梁國雄揚言，如果政府強推《基本法》第二十三條或政改方案，佢哋唔會戀棧權位，唔排除再用「五區公投」嘅方式畀港人表達意見喎，當然佢哋到時會同其他泛民主派再作商討。已報名參選九西嘅仲有白鴿黨黃碧雲、公文袋毛孟靜同民協譚國僑名單。
設計圖片及對白