City Parade：匠心解密
神州同胞消費力強，影星劉嘉玲都分一杯羹。佢一口氣開三間品牌新店，早前亮相上海最火爆的夜店MUSE外灘新店，宣布其投資的手錶、服裝及夜店品牌開張大吉，中港台三地明星high爆星光大道。王牌手袋Gucci罕有地公開製袋秘密，來自佛羅倫斯的工匠團日前訪港，喺尖沙咀廣東道專門店舉行工匠坊，雙G標誌，魅力非凡，吸引城中名人齊撐場。另一邊廂，鐘錶大王孫秉樞，宣告代理星辰錶五十周年，經得起時間考驗才是不朽傳奇！
Gucci工匠坊：似模似樣
穿上Gucci秋冬新裝嘅名模汪圓圓，變身美女工匠，為鞋身塗上深淺色效果，有板有眼。
有買趁手
「扒王之王」太子女李依琳對Gucci全球率先發售嘅皮製行李牌最感興趣。
弄鞋為樂
甘國亮睇住猶如藝術品的皮鞋，一臉滿足。
CITIZEN金禧慶：高貴盡顯
模特兒戴上價值近萬三元的鑲鑽名錶，高雅大方。
放心交棒
成功代理星辰錶半世紀，鐘錶大王孫秉樞（中）讚大仔孫大為（左）及細仔孫大豪（右）係得力助手。
齊齊撐場
名模周汶錡（右）同細妹周麗淇（左）盛裝飛往上海撐場。
時尚天后
影星劉嘉玲一口氣開三間品牌新店，投資手錶、服裝及夜店品牌，變身「時尚天后」。
暫代護花
台灣名模林嘉綺（右）打扮性感，獲內地男星胡兵（左）做「觀音兵」相陪，瘋狂男粉絲點敢埋身？