一年一度嘅書展已成夏日盛事，尋日場中就見到前高官馬時亨（肥亨）、前運輸及房屋局副局長邱誠武（邱武），城市大學校長郭位亦有新書出爐，肥亨幫佢做主持，大講福島核洩漏事故，肥亨離開嘅時候，仲同入場掃書嘅邱誠武喜相逢，邱誠武自稱冇嘢做「量緊地」，肥亨輕輕一句「自由人」灑脫解窘。
邱誠武當時攞住幾袋書，問佢買咗咩書？佢懶神秘唔講，肥亨幫口話：「買模啲書就驚畀老婆鬧啫，正經書怕乜講喎！」邱誠武跟住先尷尬話，買咗豐子愷嘅書，其實佢買嘅都係正經書，點解咁都要保密唔話畀人聽嘅﹖
馬時亨（左）在書展的電梯口巧遇邱誠武。
