SUN世代：加國舞池邂逅心中女神

海潮的愛情故事，讓人嘆為觀止。當年他為藝術到處遊歷，其中一站是加拿大。在一次跳舞活動中，他邂逅心中女神，即妻子Maggie。她是當地著名配音員，海潮對着女神幾乎「雞同鴨講」，只能用上簡單英文和身體語言：「我識佢後就瘋狂追佢，我覺得已搵到我太太！」問到如何苦練英文，浪子壓低聲線，變得情深：「當你深愛一個人，就會乜都做得到！不過依家佢識中文，唔可以喺佢面前講衰嘢！」

現時，他們夫妻檔一同管理劇場，擁有共同的藝術夢。不過，實現夢想也有迷路時，他說：「曾經有段日子，有朋友叫我去做保險，太太知道後好大反應，同我講『我嫁嘅係藝術家，唔係Sales！』」這下當頭棒喝，使他的藝術夢更堅定。現時二人育有快將兩歲的女兒Bella，樣子標致，人見人愛，遺傳了父母的藝術細胞，說不定會效法父母，踏上藝術路。