特首CY梁振英早前參加特首選舉時使用嘅競選辦公室，最近就出版咗一本名為《零距離接觸CY》嘅書，由競選辦內各主要成員執筆，分享競選期間嘅點滴，當中以CY太太唐青儀寫嘅序最吸引。
梁太透露喺競選初期，佢第一次叫家傭將靚湯送上競選辦，明明已寫清楚係由梁太送上，點知競選辦職員仍然再三致電畀佢核實，令佢大惑不解。原來競選期間，候選人唔可以立亂收禮物，所以競選辦職員每次收嘢都會分外小心。