SUN微博:打橫嚟講:幾時拉貪曾呢?

擒日,在此講起今屆書展,本版兩個專欄的「打橫嚟講」和「網絡小說」(《香城訣》)都匯集成書面世,其主題都係揭示貪曾七年禍港,貪盡海陸空的醜行。

講開貪曾嘅醜行,真不得不提一提醒本屆政府,何解仲唔快快宣布立案拉Q佢返港審訊,點解仲畀佢嚟加國四圍去吃喝玩樂咁逍遙?

貪曾無得做特首後,第一時間飛離香港,避走加拿大,投靠細佬,但仍食好住好,仲耍大款,喺名食肆歎世界時,命實Q趕走在門外等佢的記者,當咗溫哥華係佢管咁,真叫人氣憤。

報載,呢件貪曾搬出「禮崩府」後,話會同細仔一齊住那個實用面積得七百幾呎嘅屋仔喎!

吓!當日,佢咪話過老婆好長情,連「做女」時候嘅衫褲鞋襪都唔捨得揼,要有個六千幾呎嘅大陸豪宅先至擺得晒架咩!家陣,只得十分之一,嗰七百幾呎,夠貪曾擺煲呔吖?定夠老婆放底橫呢?

呢件卑鄙小人,當年用公帑建魚池,養錦鯉,你估佢真係咁鍾意「小動物」呀?係幫佢擋煞o架咋!都唔知死咗幾條魚、幾多條生命呀!

佢一搬離「大帥府」,就再無「生命危險」,遂棄錦鯉不理,以前幫佢賣命擋煞的尖兵,唔知依家點呢?真可憐!相信佢哋同全港七百萬市民一樣,想今屆政府快啲緝捕佢返嚟處決!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

就係敢爆:你願意做國民小先鋒嗎?

讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!

email:sunweibo@opg.com.hk

「就係敢爆」網址tv.on.cc/hot

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓24價走勢、最全面地產新聞及筍盤情報