考生轉戰職場 評分「級級」可危

【記者馮淑環報道】雙班年效應下升學學額爭崩頭，職場勢成中學文憑試放榜考生另一戰場。但不少僱主對新學制矇查查，甚至將最低評級的1級誤當最高分，部分僱主寧聘舊制中七畢業生。新制下雖增設職業導向應用學習科目，惟有商會直言「唔認識」，又質疑學術理論無助實際工作；有人事顧問指不少僱主對新制欠信心，已計劃在招聘時，除面試外要另設英語測試等不同關卡，即場考核能力。

中學文憑試採用水平參照模式評分，取消舊制的常模參照即「拉 curve」模式，評分由低至高即「1至5**」共七級，舊制的A級學生亦由「星」級學生取代。

新評級對不少僱主而言仍是新事物，香港中小型企業總商會副會長巢國明指文憑試雖獲國際認可，但商界仍需參考實際情況，「以前評級係ABC，依家係543，僱主未必咁易適應，至少要過幾個月至半年先睇到畢業生嘅水平，僱主初時一定會有憂慮。」中小型企業聯合會董事劉達邦亦坦言對新評級不太了解，有僱主更誤將1級當最高分，「宣傳唔夠，好多老闆都好繁忙唔認識新制，你話四級係咪即係好過Ｂ都無人知。」

寧聘舊制畢業生

他指僱主對新制感混淆，預料不少中小企情願聘請舊制畢業生，「即使請文憑試畢業生，面試時都會問多啲，好像會計、文員專門工種要對數學好強，唔係淨係通識就得。」新制的新科應用學習科目有五千多人報讀，評分只設達標、不達標及達標並表現優異三級，有商會直言未聽過。

其中酒店課程考生高達兩成，酒店業主聯會執行總幹事李漢城質疑有關課程無助投身業界，「我都唔知課程內容係咩，中學課程可能只係提升學生對行業嘅興趣，唔係專門酒店培訓，如果要投身業界，公司一定要再培訓，所以睇唔到有咩幫助。」

香港美髮美容業商會創會主席趙振國亦指對有關科目及評級不清楚，「呢行最重要係技能，唔係讀過吓就可以提供顧客服務。」

人事顧問蘇偉忠表示，新舊學制評分難以對比，不少僱主已計劃增設不同測試，「今年同出年都係交接期，入職除咗一般面試，仲會加一啲好像英語水平測試，希望唔好請錯人。」