SUN微博：打橫嚟講：洗腦小先鋒一朕味

幾十歲婆乸，仍做「小先鋒」成員，不只笑料，直情核突惡心，呢件左婆老師余綺華，仲話係常識科科主任添，唔知喺邊叉度刮到個笑爆嘴嘅名銜，乜春「國民小先鋒」副主席，大陸味到嘔，又話係童軍副領袖，映衰晒！佢硬係做乜Q職位，都是「副」的！永坐唔正咁！

日前，余婦喺「城市論壇」拍枱鬧同學仔，眾目睽睽下，都敢死口唔認，似足強國農村領導，還說只是「用手觸掂枱面」，同啲鹹濕阿伯非禮人之後，狡辯「用手觸掂佢個胸之嘛」如出一轍，好彩有電視直播，無得抵賴。

身為老師，講大話，無誠信，又囂張，足夠理念入熱廚房做局長咯！

被同學仔踢爆有野心想參政，卻不敢認，好似嫌從政是件羞家事咁！鬼鬼祟祟，充分揮發那股土共的惡臭味！

余婦表現低劣，可能是個人修養未夠，又或是組織訓練不足有關吧！但佢力挺那本嚇怕全港正常人的《洗腦》小冊子，說只是給老師多一個角度去講國情，嘩！如果畀佢教，咪死得！咁偏頗！佢會否一邊用此小冊子的愛國內容，又另舉一啲大陸班冚家慘禍國殃民的陰騭事呢？

做家長的香港人，你哋真係要企出嚟關注這本《小冊子》呀！九月便開始在小學推行洗腦的了！小孩子學嘢，係唔識分真假！學長要發聲呀！

最後，大家可看到建制派的代表，如何不濟及恐怖！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：書展有咩書好睇?

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot