政壇：搞搞政：肥根退位讓「賢」
建仔嘅立法會漁農界功能界別議員「肥根」黃容根，籌備喺九月競逐連任可謂一波三折，最新嘅講法係佢好大機會冇得參選，要讓路畀較年輕嘅黨友何俊賢。前日建仔公布嘅參選名單，除直選同超級區議會名單外，其他功能界別嘅參選名單就冇交代，留待聽日公布，聽講肥根盡最後機會力挽狂瀾博翻盤。
據聞肥根早前向黨友透露競逐連任嘅意欲，但竟然畀人以佢做咗多屆為由勸叫佢唔好再選，佢聽到呢個講法好唔服氣，仲要求黨做民調，調查佢嘅支持度，希望可借業界聲音力挽狂瀾，保住呢個坐咗十二年嘅議席。不過，呢個方法似乎唔係好成功，事關背後有股強大嘅勢力正左右大局，佢不得不退位讓「賢」。
漁農界嘅投票意向向來團結同集中，如果業界唔再支持肥根參選，轉而支持何俊賢嘅話，咁肥根今次連任成功嘅機會真係微乎其微。
設計圖片及對白