政壇：馮孝忠禪修悟金融管理
恒生銀行執行董事Andrew馮孝忠係佛教徙，平時都會喺佛教雜誌寫吓文章，分享學佛感覺，依家再加少少其他作品，終於結集成書，名叫《人生禪語》，佢話本新書有一部分係返工時遇到一啲管理上嘅事有感而寫。
Andrew由入世到出世嘅寫法確幾易令人代入，佢解釋話管理學同禪有好多相近之處，例如都係要識得「放下」同聆聽他人講嘢，仲話已去世嘅科技界巨人Steve Jobs都係鈴木俊隆禪師嘅弟子，講嘢都有活在當下嘅禪味。
成本書最寫意就係講佢去京都遊歷古剎，因為佢係皈依咗淨土宗，而中國淨土宗早就失傳，得真髓嘅係日本，對佢嚟講猶如聖地。至於要學佛睇乜入門書籍，佢以身說法，分享埋佢嘅皈依讀物。
恒生銀行執行董事Andrew馮孝忠