政壇：政商定格：莊偉茵「做功課」遊倫敦
暑假後就會過檔中電做企業發展總裁嘅國泰企業事務董事莊偉茵（Quince），早前同老公黃楚權及兩個囝囝去倫敦玩番轉。佢話自己並非首次遊倫敦，但都有喺網上搵資料，精心策劃旅程，一家四口自駕遊到處兜風，其中一個景點係牛津大學城，期間到過牛津大學圖書館嘅醫學及科學書籍館Radcliffe Camera。
莊偉茵兩個仔依家喺澳洲讀書，如果有機會，佢話都會畀佢哋去牛津參加暑期遊學團。莊偉茵家吓忙緊工作交接，向未來接班人、時事評論員周融太太張鳳婷交低手尾，又要出席老友搞嘅farewell派對，真係分身不暇。
莊偉茵（右一）一家四口喺牛津大學地標Radcliffe Camera留影。（受訪者提供）