政壇：政商定格：陳亨利瘦1磅值萬金
盛傳有意出戰立法會紡織界功能組別議席嘅聯泰紡織太子爺Henry陳亨利，最近工作議程排到密密麻麻。早前佢忙裏偷閒，同太太Joise陳趙滿菊撐枱腳。Henry望落清減唔少，原來佢同朋友打賭年底前要減三十磅，賭注係四十萬元，即係一磅值一萬三千幾蚊。
講起今次減肥原因都幾搞笑。事緣三月特首選舉投票日，幾個選委投完票後坐低飲嘢等開票，期間有人開價二十萬元要佢減三十磅，另一人聞訊亦加入賭盤。
Henry話，如果佢勝出，會將錢捐畀香港紡織商會同紡織業聯會，笑稱「銀紙事小，面子事大」，點都唔衰得，所以下定決心積極減肥，三個月已減咗十幾磅。佢笑稱，以前好享受做「開心嘅肥仔」，身形總係大大隻，近年至覺得健康好重要喎。
陳亨利（右）同太太Joise偷閒撐枱腳。