政壇:硬淨警花同袍激讚

優秀的新聞圖片除可揭示真相,亦能對讀者產生巨大的感染力,東方報業集團報道特首CY梁振英落區遇到激烈示威,攝記同事影到一名警花被男示威者貼身衝近,身貼身,場面好尷尬,而佢嘅表情亦顯得難受,但佢冇退縮,繼續以身軀阻擋示威者,兩張尋日刊登喺《太陽報》同《東方日報》嘅相片引發警隊中人熱烈討論,有人戥Madam唔抵,女兒家被男示威者「挨得咁埋」好值得同情,有人則力讚佢堅強夠硬淨,有同袍更WhatsApp撐佢。

據知呢位Madam係黃大仙警區雜項調查隊嘅女高級督察,加入警隊超過五年,前日佢同男示威者發生「激烈肢體衝突」後,佢冇呻過,冇投訴過,反認為當時現場好混亂,腦中只係顧住點樣避免讓示威者靠近CY,明白做嘢有碰撞難免。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

警花同示威者幾乎面貼面,同袍戥佢難受。(資料圖片)