City Parade：郎來了
郎朗旋風以雷霆萬鈞之勢席捲香江。既演奏又拍戲嘅郎朗，趁牛一當日訪港，周一喺會展舉行回歸十五周年音樂會，城中逾三千名人爭相捧場。三十歲的郎朗，琴藝登峰造極，輕易做到「人琴合一」。同日中午，佢喺金鐘太古廣場為擔綱演出嘅電影搞慈善首映，號召力媲美影帝。
名師高徒
桃李滿門嘅郎朗（右二）同三位得意弟子孫志賢（左一）、劉澤楷（左二）及李仲欣（右一）同台演出後，手牽手謝幕。
姐弟情深
音樂會當日係郎朗（右）三十歲生日，身為契姐嘅港島婦女聯合會主席張雅麗（左）送上鋼琴蛋糕祝賀。
完美演出
郎朗（左）為古巨基（右）伴奏，完美配搭引來掌聲雷動。
官場歌王
歌喉了得嘅民政事務局常秘楊立門，同鮮有露面嘅太太齊捧場。
輕鬆時刻
爭產官司無損霍英東兒子霍震寰（左）嘅心情，呢晚同二仔霍啟中（右）結伴聽歌輕鬆吓。
樂貫中西
保良主席梁寶珠（右）係粵劇迷，呢晚同千金林玉茵（左）齊聽古典音樂，一樣雀躍。
出錢出力
玩具大王蔡志明太太蔡李惠莉（中）出錢出力搞首映，公子蔡加讚（左二）與女友汪圓圓（左一）、千金蔡加怡（右二）同男友（右一）撐場。
巧遇留影
剛卸任百仁基金主席嘅施榮忻（左一），同太太Jaymee（右二）齊睇騷，巧遇任期已滿嘅前候任特首辦項目主任陳冉（左二）同馮英倫（右一）。