政壇：政商定格：何光耀商廈操實用射擊
愛飾珠寶老闆何光耀（Mark）自二十年前喺美國首次接觸手槍射擊後，一試愛上，回港後考取槍牌，更不時到位於觀塘商廈內嘅「中國鎗會」練習實用射擊，與志同道合嘅槍會揸fit人Benny任耀庭成為老友。
阿Mark認為玩槍首要條件有兩高，一係EQ（情緒智商）高，持槍者唔可以有脾氣，其次係自律性高，遵守遊戲規則。此外，射擊運動對壓力、體能同速度嘅要求比一般運動更高，要玩得叻絕對唔容易。電影中成日有唔少槍戰場面，佢笑言拍戲始終超乎現實，事實上子彈穿透力強，車門、垃圾係擋唔到子彈o架！
Benny就話手槍本身並唔危險，在於你點樣控制，「即使係一把生果刀，如果不當使用，都可以係武器。」佢話射擊愛好者嘅背景廣泛，由上市公司主席以至的士司機都有。
何光耀（右）同任耀庭因槍結緣，經常研究槍械同射擊技術。
何光耀揸槍有姿勢有實際。（受訪者提供）