由於立法會仍未通過政府新架構重組，盛傳出任文化局局長嘅Florence許曉暉暫時留任民政事務局副局長，其實佢細佬許正宇有應徵做副局長，照道理可向家姐取經，相信可增加獲聘機會。不過，一向做事小心嘅Florence就疑似同細佬劃清界線，一方面話大家冇就此事溝通，亦唔清楚細佬有關情況喎！
雖然未知文化局幾時先至成立，但無損Florence推動文化嘅熱情。佢尋日出席「名人好書分享會」時，就同小朋友大談讀書樂，莫非為將來做好文化工作鋪路？
許曉暉話唔清楚細佬許正宇應徵做副局長嘅事。
