政壇：和黃再撐尖子負笈英國
和記黃埔尋日宣布再捐資超過五十萬英鎊（約六百萬港元），支持和黃志奮領獎學金，將資助四十八名優秀嘅香港及內地大學畢業生遠赴英國大學進修。和黃自○二年開始支持該獎學金以來，已累積捐資逾五百三十萬英鎊（約六千三百六十八萬港元），受益嘅中港學生逾六百二十位。
和黃副集團董事總經理周胡慕芳喺出席英國外交及聯邦事務國務大臣白偉明訪港嘅歡迎活動時話，和黃好榮幸可以同英國外交部合作，共同支持呢項意義重大嘅教育項目，造福年輕一代。佢又希望獎學金得主珍惜海外升學嘅機會，努力學習，亦希望修畢學業回港嘅獎學金得主，將所學貢獻畀社會。
周胡慕芳（右一）同今年獎學金得主輕鬆交談，勉勵佢哋珍惜喺英國升學嘅機會。（受訪者提供）