SUN熱辣:本小利大搶盡有牌生意

申請經營酒吧手續繁複,審批嚴格,有如過五關,斬六將,分分鐘未開業就先蝕本。相反街頭酒舖,本小利大,一開舖就可以賣酒,嚴重打擊攞正牌酒吧的生意。

熟悉酒吧業的人士透露,一支啤酒平均成本約十元,但利潤高達六、七倍,雖然賣酒利潤高,但開設酒吧,投資的金錢及時間都難以在短時間內取得回報。

他說:「先諮詢建築師,睇個舖位出唔出到酒牌,再租舖裝修,至可以申請酒牌,圖則要畀消防處、屋宇署同食環署批,仲要過警察、酒牌局,隨時白交租幾個月,如果出唔到牌,仲蝕大本。」

事實上,酒吧一般面積都過千呎,月租至少十萬元,相反這類酒舖,面積不足三百呎,月租僅三萬元左右,加上毋須等待酒牌審批,一開舖可即時搵錢,盈利更勝酒吧。

不過,律師黃國桐提醒,這類酒舖一旦被控無牌賣酒,將被酒牌局列入黑名單:「呢間舖同呢個舖位以後要申請酒牌都好難。」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

警方發現無牌賣酒,會拘捕涉嫌賣酒者及檢走酒精飲品。(資料圖片)