SUN微博：Sun畸事：怎一個「射」字了得？
話說有個督察買咗部「愛妻號」畀老婆，影咗幅相upload上facebook再留言：「見到愛妻號，唔該射住……」從此呢位督察就多手尾跟嘞。
流總：「射住」擺明係叫其他警犬隻眼開隻眼閉，到時大家識做，違例都唔好抄牌啦，仲使講咩？
督察：唔係唔係！係我老婆手車麻麻，同手足講「射住」，係想大家見到我老婆o架車，讓一讓路咁啫。
明仔：讓路？你哋啲差佬最鍾意射人添啦！依家仲興大大碌玩顏射添！我實行射爆你嘅「愛妻號」呀！見一鑊，射你愛妻一鑊添呀！
督察：放過我啦，我貪一時手痕，都係打多咗少少字啫。