政壇：政商定格：孫道弘打造龍友交流園地
富士攝影董事總經理孫道弘（Stanley）喺銅鑼灣開設咗間照相館，成為廣大攝影發燒友嘅交流園地，日前相館正式開幕，新世界發展執董鄭志剛（Adrian）同一眾年輕才俊齊到賀，彼此分享有趣嘅攝影體驗。
名媛鄭詩韻（Michelle）同夫婿陳鴻業話，佢哋對攝影嘅熱誠係源於囝囝嘅誕生，尤其係長子呱呱落地後，會影低小生命嘅生活點滴，就連囝囝嘅手指腳趾，都影得不亦樂乎，仲製作成日曆廣贈親朋添。紹榮鋼鐵後人龐心怡（Samanta）就話，懷孕之後就影咗好多相，仲專登影低分娩之前身懷六甲嘅「靚身材」相留念，因為自己個肚比老公嘅肚腩仲要大嘅日子實在好罕見喎。
孫道弘（左）開設照相館，老友鄭志剛到賀