政壇：政商定格：朱玲玲爆準新抱晶晶太靜
霍家長孫霍啟剛盛傳年底就會同跳水公主郭晶晶拉埋天窗，啟剛媽咪朱玲玲日前一講起啟剛嘅婚事就好開心，問佢覺得未來新抱點，佢就笑稱：「OK啦！冇咩嘢呀，係比較靜啲！」
好快會做最靚奶奶嘅朱玲玲又話，傳媒都報道晒啟剛十一月結婚嘅消息，問到實際婚禮日期同擺酒地點，佢就繼續幫囝囝保密，話要留番啲私隱喎。將來晶晶退役嫁入霍家，唔知會否生番幾個畀奶奶玩吓呢？朱玲玲話一切隨緣，唔會畀壓力，等啲後生自己決定喎。奶奶咁識做，相信晶晶呢個準新抱都一定會好識做啫。
至於二仔啟山，朱玲玲就話冇過問佢嘅感情事，但男兒志在四方，遲婚少少都冇問題啦！
朱玲玲提起大仔啟剛婚事，笑逐顏開。（溫國佳攝）