SUN微博：打橫嚟講：香港，僭建天堂

小時候，國文課本對大城市的描寫，常說「車水馬龍，人聲沓雜；新樓大廈，高聳入雲」，一片熱鬧繁榮景象。

香港特區廣廈千萬，不特只向上發展的愈起愈高（地產商乜叔的樓盤，曾有八百八十八樓出售，高到成為世界紀錄），更橫向伸展，如摺扇開屏般，得番小罅景的屏風樓，也是本土特色，天下無雙！

香港這麼多樓，都好似唔夠住咁！尤其係啲有錢佬，隨便都會有十間八間屋揸手，衰極都有兩三間啦！咁多地方，夠佢哋全家打觔斗吧！但奇奇怪怪的，佢哋總覺得地方細，唔夠用，係要鬼鬼祟祟搞非法僭建，違規擴大「實用」面積，咁先瞓得着。

梁振英的支持者那眼科醫生周伯展說得準，佢話：「十個豪宅，十一個都有僭建㗎啦！唔係買豪宅嚟做乜？」我沒有富豪朋友，未有機會見識過僭建的大宅，但近期僭建醜聞，卻揭之不盡，由新界丁屋，到唐英年大宅，至梁振英地下室，看來，啲人無僭建不歡！

最弊，係現政府新班子，上任不足三日，就有多人被揭「家有僭建」，高永文、陳智思、張學明和蘇錦樑都有份，那個管教育的吳克儉最離譜，因佢都僭埋一餐，教壞細路！

唉！連負責檢查人哋是否犯法的驗樓專家王金殿教授，自家都有僭建！死得未？

家吓！政務司林鄭日日花晒啲時間去處理政府高層的僭建醜聞，你話，香港點算吖？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：藉着遊行說＿你

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot