SUN微博：Sun畸事：一樣同＿樣是咪一＿樣？

警務處助理處長趙慧賢喺立法會上解話，話大支裝胡椒噴霧同平時用嘅細支裝成分一樣，而且係同等武力。此言一出，即刻顛覆晒普羅大眾嘅物理常識，人人都深受啟發……

某元首：一早都話我哋發展導彈核彈原子彈無問題㗎啦，大家都係武器，其實同人哋打wargame用嗰啲bb彈都係同等武力啫。

禿鷹雄：我建議警隊以後應付示威者，應該要配備火箭炮同狼牙棒！呢啲同我哋原本嘅左輪警棍一樣，都係同等武力啫。

民賤聯：我哋以後會請市民食魚翅鮑魚，唔會再派蛇齋餅糉㗎啦！唔好話我哋賄選呀，大家都係食物，成分一樣，同等招待啫！

前特首：好心你哋唔好成日笑我貪小便宜啦！我係貪埋晒啲紅酒茅台，但係佢哋同８２年「la fit」一樣，都係酒啫，其實我都好有大志㗎！

科學家：其實趙小姐個腦同猿腦嘅成分都係一樣，唔……佢好有可能都係一隻玩＿猿。

（花生友如有對號入座，請食自己）