SUN微博：網絡小說：出椒者食椒 射顏人毀顏（第十三章）

只見先前那「中椒男」樂此不疲向趙慧腎面顏射擊，「勁唔勁呀？多唔多呀？熱唔熱呀？我不能忘記你！……」

上回提要：香城縣第一大貪官曾雀屎踏上不歸路，二十萬平民上街慶賀包拯凱旋回歸，卻被雀屎殘部捕頭曾偉紅音以大支裝胡椒噴霧圍剿，香城一片哭聲嚎淚。歸途包拯得悉太陽底下竟有如此新畸事，勃然大怒，誓要斬去禍城妖人……

包拯一行人加緊腳程，展昭施展神行百步，先行趕至灣仔，其時已是遍地味精，霧鎖香城，展昭迷霧裏探看，不遠處一眾捕快團團包圍上街平民，手持大支裝胡椒噴霧亂射亂噴，展昭一個箭步，雙掌齊發，轟開捕快人牆，群民慌忙從缺口逃出。

曾偉紅音遠在城頭俯瞰，見展昭於人群中左穿右插，倏忽盡破人牆陣，急急號召全城捕快嚴陣以待，並召女將趙慧腎領軍迎戰。

縱橫大道一片胡椒濃霧，遠看似是烽煙四起，展昭正要上城頭擒拿曾偉紅音，眼前卻有逾百捕快橫列路中，一女子領頭擋路。

「你知唔知打捕快係好唔理性、和平嘅行為？你喺度挑戰香城嘅法治同核心價值！」

「捕快打人就好合理？唔好再用假理性偽和平呢類歪理撚化百姓，佢哋有權上街表達訴求，捕快諸多阻撓、暴力驅趕平民，先係破壞緊香城法治同核心價值！」

「廢話少講！總之你想去城頭就要跟設計路線：先從維園出發，行路上廣州→武漢→北京→俄羅斯→波羅的海→東歐→中歐→西歐，再折返往南歐→地中海→中東→遠東→香城城頭！」

「世間大道任我行！」展昭龍泉出鞘，縱橫兩刀，迷霧盡散，趨身向前，腳程之快有如縮地，連環斬削捕快手上胡椒噴霧，捕快連看都來不及，已被廢武功。

趙慧腎全身未動，只怕得失禁。忽然遠方傳聲：「咁大個人，出咗事要自己孭鑊！」言者正是捕頭曾偉紅音。

言方畢人即至，曾偉紅音手搭趙慧腎膊頭：「你竟冒犯御前帶刀侍衞！我定當稟報八府巡按包拯將你治罪！」

「大膽捕頭，未審先判！」人未到聲先至，眾人側身一看，那人不是包拯是誰？

「包大人，唔關我事呀，你問佢。」曾偉紅音鷹爪施壓，趙慧腎只痛得膊骨如裂似碎。

「我諗住大支裝胡椒噴霧同細支裝冇分別，所以先咁近距離射顏……」趙慧腎哭出聲來。包拯明知是曾偉紅音暗地操縱眾捕快，卻苦無證據，若然貿然捉拿曾偉紅音，不合以法治城之道，當下惟有殺一儆百，以儆效尤。

「既然你話冇分別，咁就請你試驗吓！」包拯喝令盡蒐捕快胡椒噴霧，分發眾民，眾民化身「椒男」，提槍一步步逼近趙慧腎。

「唔好呀……停呀……」趙慧腎甫開口，特強十米胡椒味精水柱激射而出，直入咽喉，趙慧腎嗆得涕淚齊流，濃妝化開，竟似妖人。曾偉紅音見其替死鬼之慘狀，不禁打個冷顫。

眾椒男之中，只見先前那「中椒男」樂此不疲向趙慧腎面顏射擊，「勁唔勁呀？多唔多呀？熱唔熱呀？我不能忘記你！……」（待續）

逢星期三、四、五見刊