政壇：陳裕光成功秘笈贈學子
成功係人都想，大家樂集團主席陳裕光尋日出席一個名人座談會同班中學生分享成功要訣時，就話想成功必須比他人付出雙倍努力，預科畢業後遠赴加拿大進修嘅陳裕光透露，屋企負擔唔起佢嘅學費，佢惟有邊讀邊打工，做過工廠工人、喺火車度洗碗，仲做過安老院添。
今時今時已貴為上市集團主席嘅陳裕光搞餐飲生意有聲有色，但佢並冇勉強兩個仔女接班，反而鼓勵佢哋創業，希望佢哋享受由冇到有嘅過程。佢仲透露，囝囝依家喺深圳賣麵包，囡囡就做室內設計。讀城市規劃師出身嘅陳裕光話，依家最大嘅樂趣，就係幫舖頭「扮靚靚」，所有舖頭嘅設計，佢都親力親為喎！
陳裕光（後排中）分享成功之道，仲同青年事務委員會主席陳振彬（後排左二）及學生合照。